Tuesday, October 11, 2016

Yaum e Ashura ke Khusoosiyat - 10 Muharram-ul-Haram Importance

Khusoosiyat-e-Yaume Ashura (10 Muharram-ul-Haram)


Ashura ke din bahut se batein maqsoos hai, unme se chand ye hai:

1) Ashure ke din hi Hazrat-e-Adam Alaihissalaam ko paida kiya gaya, Usi din unhe Jannat me dakhil kiya gaya, Usi din unki touba qubul ki gayi.

2) Ashure ke din hi Arsh, Kursi, Aasman, Zameen, Suraj, Chaand, Sitare, Aur Jannat paida kiye gaye.

3) Ashure ke din hi Hazrat-e-Ibrahim Alaihissalaam paida huye, Usi din unhe Aag se naja’at mili.

4) Ashure ke din hi Hazrat-e-Musa Alaihissalaam aur Aap ki ummat ko fira’oun se naja’at mili aur usi din fira’oun apni qaum sameth garq huwa.    

5) Ashure ke din hi Hazrat-e-Isa Alaihissalaam paida huye aur usi din unhe Aasman ke taraf uthayagaya.

6) Ashure ke din hi Hazrat-e-Nooh Alaihissalaam ki kashti kohe joodi (joodi pahad) per ruk gayi.

7) Ashure ke din hi Hazrat-e-Yunus Alaihissalaam machli ke pet se nikale gaye.

8) Ashure ke din hi Hazrat-e-Yaqoob Alaihissalaam ki binaayi lautayi gayi.

9) Ashure ke din hi Hazrat-e-Yusuf Alaihissalaam gehere kunwe se nikale gaye.

10) Ashure ke din hi Aasman se zameen per sab se pehle barish nazil hoyi.    

11) Ashure ke din ka roza MAHE-RAMZAN se pehle farz tha phir mansooq kardiyagaya aur  Sarkar-e-Madina Swallallaahu alaihi wa sallam ne hijrat se pehle uss din ka roza rakha tha. 

12) Ashure ke din hi Imam-e-Hussain Radiallaahu ta’ala anhu aur unke rufaqa ne maidane karbala me jaame shahadath noosh farmakar haq ke parcham ko sarbuland farmaya. 

Ashure ke din karne wale kaam:

1) Shab-e-Ashure ki nafil Namaz: Ashure ki raat me 4 rakaat nafil namaz iss tarteeb se padhe, Har rakaat me Sura-e-Fateha ke baad, Aayatul kursi ek baar aur Sura-e-Ikhlaas 3 baar padhe aur Namaaz se faarig hokar, 100 martaba Sura-e-Ikhlas padhe, Gunahoun se paak hoga aur jannat me behisaab niymatein milengi.

2) Ashure ke Roze: 9,10 ya 10,11 Muharram, 2 din ke roze rakhna chahiye aur agar na hosake toh  Ashure hi ke din Roza rakhe. Shahi Muslim me Abu Qadada Radiallaahu ta’ala anhu se marvi hai Rasoolallah Swallallaahu alaihi wa sallam farmate hai ke “ Mujhe Allah azzawajal per gumaan hai ke Ashure ka roza ek saal qabl ke gunah mitadeta hai”.

3) Sadqa karna: Ashure ke din me 1 dirham ka sadqa 7 lakh dirham ke barabar hai. 
[Yani 1 rupiya sadqa karna 7 lakh rupiye ke barabar hai]

4) Risq me Us’at(Kushadgi): Jisne apne gharwalon aur Ahl-wa-Ayal per us’at ki Allah azzawajal uske poore saal me us’at aur barkat ata farmata hai.

5) Gusl karna: Jisne Ashure ke din Gusl kiya woh uss saal bimar hone se mehfuz rahega.   

6) Surma lagana: Jisne Ashure ke din Surma lagaya woh uss saal Ankh dukhne se mehfuz rahega.

7) Mareez ki iyadat karna: Mareez ki iyaadat ko jana sunnath hai aur jo achchi tarha wazu karke sawab  ki niyyat se apne musalman bhai ki iyadat ko jaye toh jahannam se 60 baras ki raah door kardiya jayega.         

8) Dushman se milaap karna: Sarkar-e-Madina Swallallaahu alaihi wa sallam ne farmaya, “Jo Shaks logon ke darmiyan sulah karega, Allah azzawajal uska mamilah durust farmadega aur usse har kalima boolne per ek gulam azad karne ka sawab ata farmayega aur woh jab lautega toh apne pichle gunahoun se magfirat ya fatah hokar lautega”.

9) Dua-e-Ashura padhna: 10vi muharram ko Dua-e-Ashura padhne se umr me khair-o-barkat aur zindagi me falaah-o-niyamath hasil hogi.

Click here to Read Dua-e-Ashura

10) Khichda pakana: Ashure ke din Khichda pakana Hazrat-e-Nooh Alaihissalaam ki sunnath hai, Jab tufaan se naja’at pakar Hazrat-e- Nooh Alaihissalaam ki kashti joodi pahad per ruki toh Ashure ka din tha, Aap Alaihissalaam ne kashti me se tamaam anaaj ko baahar nikala, aur fool (bada matar), gehoun, joo, masoor, chana, chawal, pyaaz 7 qism ka galla maujood tha, Aap Alaihissalaam ne unn saat cheezon ko ek hi handi me milakar pakaya tha.

11) Ulama ki ziyarat karna aur Yateem bachchon ke sar per haath pherna: Hadis me hai, Jo shaks yateem ke sar per Allah azzawajal 
ki raza ke liye haath pherta hai toh jitne baalon per uska haath guzrega har baal ke muqabil me uske liye nekiyan hai aur jo shaks yateem per yehsaan kare mai (Sarkar-e-Madina Swallalaahu alaihi wasallam) aur woh (Yateem per yehsaan karne wala) jannat me (2 ungaliyoun ko milaakar farmaya) istarha honge.

12) Zikr-e-Shahadat karna: Zikr-e-Shahadat ka maqsad, unn waqiyaat ko sunkar ibrath hasil karna ho, aur saath hi saath swaliheen ke  zikr ki barkat hasil karna hai, Rone aur rulane keliye waqiyaate Karbala bayan karna najayiz-o-gunah hai, 

Muharram me na karne wale Amal

1) Taziyadari: Taziyadari aur uske saath honewale tamaam bid’atein wa qulafatein najayiz-o-gunah hai, maslan Matam karna, Taziya par chadawe chadana, Unke samne khane rakh kar waha fateha dilana, Unse mannatein mangna, barkat hasil karne keliye bachchon ko Unke niche se nikaalna, Taziya dekhne ko jana, Unhe taazim se salam karna inn sab kaamo ka mazhabe islam me koyi wasta nahi.

2) Imam-e-Hussain Radiallaahu ta’ala anhu ke naam par bachchon ko fakir banaya jata hai aur uske gale me jhooli dalkar ghar ghar usse bheek mangwate hai, ye bhi najayiz-o-gunah hai.

3) Ashura-e-Muharram me 3 rang ka libas se bachein, ye soog ke alamatein hai. 1: Siya (kaala), 2: Sabz (hara), 3: Surkh (Laal).

4) Ashure ke 10 din kapde na badalna, chappal na pehenna, din me rooti na pakana, jhadu na lagana, 
mahe Muharram me shadi biyah ko bura samajna sab fuzul batein aur jahaliyath hai.  

Reference (Hawala): 
Mukaashafa-tul-Qulub, Jannati Zewer, Bahar-e-Shariat,



0 comments:

#Islamic Calendar 2018 Events

Islamic 2018 Event Name English Date Islamic Date
#Urs Haji Malang 2 Jan, 2018 - Tuesday 14 Rabi Ul Akhir
#Urs Haji Ali Baba Mumbai 4 Jan, 2018 - Thursday 16 Rabi Ul Akhir
714th Urs Sharif Of Hazrat Khwaaja Syed Nizamuddin Aulia Mehboob-e-elahi Rahmatullah Alayh 7 Jan, 2018 - Sunday 21 Rabi Ul Akhir
#Urs Khawjah Gharib Nawaz, Ajmer Sharif 24 March, 2018 - Saturday 6th Rajab 1439
#Lailat-ul-Meraj #Shab-e-meraj Night of Apr 14, 2018 - Saturday 26-Rajab-1439
#Shabe-e-Barat May 01, 2018 - Tuesday 14th Sha'baan 1439
#Start of Fasting Month (#Ramadan) May 17, 2018 - Thursday 1st Ramadan 1439
#Lailat-ul-Qadr (#Shab-E-Qadr) Jun 11, 2018 - Monday 27 Ramadan 1439
#Jummat-ul-Wida 15 June 2018 - Friday Last Friday of Ramadan
#Eid-ul-Fitr Jun 16, 2018 - Saturday 1st Shawwal 1439
Wafaat Of Huzur Tajushariah Rahmatullah Allai July 20, 2018 - Friday 06 Dhul Qadah 1439
#Hajj Aug 21, 2018 - Tuesday 9th Dhul-Hijjah 1439
#Eid-ul-Adaha #Bakrid Aug 22, 2018 - Wednesday 10th Dhul-Hijjah 1439
#Islamic New Year Sep 11, 2018 - Tuesday 1st Muharram 1440
#Yaum al-Ashura Sep 20, 2018 - Thursday 10th Muharram 1440
#Eid Milad-un-Nabi Nov 20, 2018 - Tuesday 12th Rabi-al-Awwal 1440
#Urs Haji Ali Baba Mumbai 24th December, 2018 - Thursday 16 Rabi Ul Akhir
714th Urs Sharif Of Hazrat Khwaaja Syed Nizamuddin Aulia Mehboob-e-elahi Rahmatullah Alayh 27th December, 2018 - Sunday 19 Rabi Ul Akhir