Showing posts with label naats. Show all posts
Showing posts with label naats. Show all posts

Thursday, December 31, 2015

NAAT - HUM KHAAK HAIÑ AUR KHAAK HI

NAAT - HUM KHAAK HAIÑ AUR KHAAK HI

This beautiful Naat is written by AlaHazrat Imam Ahmed Raza Khan (`alayhi raHmah) and recited by  Alhaaj Owais Raza Qadri.


Hum khaak haiñ aur khaak hi maawa hai hamara
Khaaki to wo Aadam jadde Aala hai hamara

Allah hameiñ khaak kare apni talab meiñ
Ye khaak to Sarkaar se tamga hai hamara

Jis khaak pe rakhte the qadam Sayyide Aalam
Us khaak pe qurbaañ dil e shaida hi hamara

Kham ho gayi pusht e falak is ta’ane zameeñ se
Sun hum pe Madina hai wo rutba hai hamara

Us ne laqabe khaak Shahenshaah se paaya
Jo Haidare Karraar ke Maula hai hamara

Aye Muddaiyo! Khaak ko tum khaak na samjhe
Is khaak meiñ madfooñ shahe bat-ha hai hamara

Hai khaak se taameer, mazaar e Shahe kaunain
Ma’moor isi khaak se qibla hai hamara

Ham khaak udayeinge jo wo khaak na paayi
Aabaad RAZA jis pe Madina hai hamara
NAAT - WAAH KYA MARTABA

NAAT - WAAH KYA MARTABA

This beautiful Manqabat is written by AlaHazrat Imam Ahmed Raza Khan (`alayhi raHmah) in honour of Sayyid ul Awliyah, Shaykh `Abdul Qadir al-Jilani al-Hassani wal-Hussayni (raDiAllahu `anh)

Listen to the soulful voice of  Alhaaj Owais Raza Qadri.


Lyrics for WAAH KYA MARTABA

Waah kya Martaba Aye Gaus hai Baala Tera
Oonche Oonchoñ ke Saroñ se Qadam Aala Tera

Sar Bhala kya koi Jaane ke hai kaisa Tera
Auliya malte haiñ Aankheiñ wo hai Talwa Tera

Kya dabe jis pe Himaayat ka ho panja Tera
Sher ko Khatre meiñ laata nahi Kutta Tera

Qasmeiñ de de ke Khilaata hai Pilaata hai Tujhe
Pyara Allah Tera Chaahne wala Tera

Mustafa ke Taney Be Saaye ka Saaya Dekha
Jis ne dekha meri jaañ Jalwa e Zeba Tera

Ibne Zahra ko mubarak ho uroos e Qudrat
Qadri paayeiñ tasadduq mere Doolha Tera

Kyun na Qasim ho ke Tu Ibne Abil Qasim hai
Kyun na Qadir ho ke Mukhtaar hai Baba Tera

Nabavi zil Alavi burj Batooli manzil
Hasani chaand Husaini hai ujala Tera

Husn e Niyyat ho khata phir kabhi karta hi nahi
Aazmaya hai yagana hai Dogana Tera

Jaan to Jaate hi Jaayegi Qayamat ye hai
Ke yahaañ Marne pe thehra hai Nazaara Tera

Tujh se Dar, Dar se Sag, Aur Sag se hai Mujh ko Nisbat
Meri Gardan meiñ bhi hai door ka Dora Tera

Is Nishaani ke jo Sag haiñ nahiñ Maare Jaate
Hashr tak mere gale meiñ rahe Patta Tera

Meri Qismat ki Qasam Khaayeiñ Sagaan-e-Baghdaad
Hind meiñ bhi hooñ to deta rahooñ Pehra Tera

Bad sahi Chor sahi Mujrim o Naakaara sahi
Aye wo kaisa hi sahi hai to Kareema Tera

Mujh ko Ruswa bhi agar koi kahega to Yuñhi
Ke wahi na woh RAZA Banda e Ruswa Tera

Haiñ RAZA yuñ na bilak tu nahiñ Jayyid to na ho
Sayyide Jayyide har dahar hai Maula Tera

Fakhr e Aaqa meiñ RAZA aur bhi ek Nazm e Rafee
Chal Likha laayeiñ Sana Khwaanoñ meiñ Chehra Tera
Naats - WAAH KYA JOOD O KARAM

Naats - WAAH KYA JOOD O KARAM

Listen to the soulful voice of Al-Haaj Owais Raza Qadri . This beautiful naat is written by Aala Hazrat IMAM AHMED RAZA KHAN in praise of Huzur Muhamad Salalahu Alaihi Wa Salam


Lyrics for WAAH KYA JOOD O KARAM

Waah kya Jood o Karam hai Shahe Bat-ha Tera
Nahi sunta hi nahi maangne wala Tera

Dhare chalte haiñ Ataa ke wo hai qatra Tera
Taare khilte haiñ Sakha ke wo hai zarra Tera

Farsh wale teri Shaukat ka Uloo kya jaaneiñ
Khusrawa Arsh pe udta hai Pharera Tera

Aasmaañ khwaan zameeñ khwaan zamana mehmaan
Saahib e Khana Laqab kis ka hai Tera Tera

Maiñ to Maalik hi kahoonga ke ho Maalik ke Habeeb
Yani Mehboob o Muhib meiñ nahi Mera Tera

Tere Qadmoñ meiñ jo haiñ gair ka munh kya dekheiñ
Kaun nazroñ pe chadhe dekh ke talwa Tera

Chor Haakim se chhupa karte haiñ yaañ uske khilaaf
Tere daaman meiñ chhupe chor anokha Tera

Dil abas khauf se patta sa uda jaata hai
Palla halka sahi bhaari hai bharosa Tera

Ek maiñ kya mere isyaañ ki haqiqat kitni
Mujh se sau lakh ko kaafi hai ishara Tera

Muft paala tha kabhi kaam ki aadat na padi
Ab Amal poochhte haiñ haaye nikamma Tera

Tere tukdoñ se pale gair ki thokar pe na daal
Jhidkiyañ khaayeiñ kahaañ chhord ke sadqa Tera

Meri taqdeer buri ho to bhali karde ke hai
Mehw o Isbaat ke daftar pe karoda Tera

Tu jo chahe to abhi mael mere Dil ke dhule
Ke Khuda dil nahi karta kabhi maela Tera

Kis ka munh takiye kahaañ jaaiye kis se kahiye
Tere hi qadmoñ pe mit jaaye ye pala Tera

Tere sadqe mujhe ek boond bahut hai Teri
Jis din achhoñ ko mil-e jaam chhalakta Tera

Haram o Taiba wa Baghdad jidhar kije nigaah
Joat padti hai teri noor hai chhanta Tera

Teri Sarkaar meiñ laata hai RAZA us ko Shafee
Jo mera Gaus hai aur laadla beta Tera

Islamic / Muslim Festivals and Holiday 2019

Islamic Events and Holiday 2019

English Date Islamic Date
We have listed the important Islamic Festivals, Holidays and Events for the year 2019 as per the calender year 2019. These muslim religious holiday can vary as per the sighting of moon and the lunar calendar.
#Urs Khawjah Gharib Nawaz, Ajmer Sharif 14 March, 2019 - Thursday 6th Rajab 1440
#Lailat-ul-Meraj #Shab-e-meraj Night of Apr 3, 2019 - Wednesday 26-Rajab-1440
#Shabe-e-Barat April 20, 2019 - Saturday 14th Sha'baan 1440
#Start of Fasting Month (#Ramadan) May 7, 2019 - Tuesday 1st Ramadan 1440
#Jummat-ul-Wida 31 May 2019 - Friday Last Friday of Ramadan 1440
#Lailat-ul-Qadr (#Shab-E-Qadr) June 1, 2019 - Saturday 27 Ramadan 1440
#Eid-ul-Fitr June 5, 2019 - Saturday 1st Shawwal 1440
#Hajj August 11, 2019 - Sunday 9th Dhul-Hijjah 1440
#Eid-ul-Adaha #Bakrid August 12, 2019 - Wednesday 10th Dhul-Hijjah 1440
#Islamic New Year September 1, 2019 - Sunday 1st Muharram 1441
#Yaum al-Ashura September 10, 2019 - Tuesday 10th Muharram 1441
#Eid Milad-un-Nabi Nov 10, 2019 - Sunday 12th Rabi-al-Awwal 1441
#Urs Haji Ali Baba Mumbai 13 December, 2019 - Friday 16 Rabi Ul Akhir 1441
714th Urs Sharif Of Hazrat Khwaaja Syed Nizamuddin Aulia Mehboob-e-elahi Rahmatullah Alayh 16 December, 2019 - Monday 19 Rabi Ul Akhir 1441