Safar ul Muzaffar ki Fazilat aur Haqeeqat

Safar Ul Muzaffar ki Fazilat aur Haqeeqat

Sadrush Sharia Hazrat Allama Maulana Mufti Mohammad Amjad Ali Aazmi Rehmatullah Alaih Bahar e Shariat, Jild. 3 ke Aadab Safar ke bayaan mein farmate hain:

Maah e Safar ko log manhoos jaante hain, ismein shaadi biyaah nahi karte, ladkiyon ko rukhsat nahi karte. Aur bhi iss qism ke kaam karne se parhez karte hain. Safar karne se  gurez karte hain. Khoosusan Maah e Safar ki ibtedayi tera (13) taareekh bohat zyada nehas maani jaati hai aur unko tera teeji kehte hain. Yeh sab jahaalat ki baatein hain.

Hadees mein farmaya ke

"Safar koi cheez nahi"

Yaani logon ka ise manhoos samajhna galat hai. Isi tarah zill-qad ke mahine ko bhi bohat log bura jaante hain aur usko khaali ka mahina bhi kehte hain, yeh bhi ghalat hai. Har maah (month) ke 3, 13, 23 aur 8, 18, 28 ko manhoos jaante hain, yeh bhi laghobaat hai.

Maah e Safar ka aakhri chaar-shumba (wednesday) hindustan mein bohat manaya jaata hai. Log apne kaarobaar band kar dete hain. Ser o tafreeh wa sheekar ko jaate hain. Pooriyan pakti hain. Nahaate dote hain. Khooshiyan manate hain aur kehte yeh hai ke HUZOOR E AQDAS Sallallahu Alaihi Wasallam iss roz ghusl sehet farmaya tha aur bairoon Madina Taiba ser ke liye tashreef le gaye the. Yeh sab baatein be-asl hain. Balke in dini mein HUZOOR E AKRAM Sallallahu Alaihi Wasallam ka marz shiddat ke saath tha. Woh baatein khilaaf waqai hain. Aur baaz log yeh kehte hain ke iss roz balayen aati hai aur tarah tarah ki baatein bayaan ki jaati hai. Sab be-saboot hai. Balke Hadees ka yeh irshaad "la-seefar" yaani seefar koi chiz nahi. Aisi tamaam khuraafaat ko radd karta hai.

[Sahi ul Bukhari, Kitaab ul tab, Baab-Lahama, Hadees. 5757]

[Bahar e Shariat, Jild. 3, Hissa. 16, Safa. 659-660]

Also Read Safar ul Muzaffar Namaz, Mah E Safar Dua   

Continue Reading

Sajda E Tilawat Ka Bayan - Q&A about Sajda E Tilawat

How to perform Sajda E Tilawat

Sajda E Tilawat Ka Bayan - Q&A about Sajda E Tilawat

1) SAWAAL: Sajda E Tilawat kise kehte hain ?

JAWAAB: Qur'an E Majeed mein chaudaah (14) muqaamaat aise hain ki, jinke padhne ya sunne se sajda karna waajib hota hai, use Sajda E Tilaawat kehte hain.

2) SAWAAL: Sajda E Tilawat ka tareeka kya hai ?

JAWAAB:  Sajda E Tilaawat ka masnoon tareeka yeh hai ki,  khada ho kar ALLAHU AKBAR kehta hua sajde mein jaayein aur kam se kam teen (3) martaba SUBHANA RABBIYAL A'LA kahein, phir ALLAHU AKBAR kehta hua khada ho jaayen. Naa ismein ALLAHU AKBAR kehte hue haath uthaana hain, naa ismein tashah'hud hai aur naa salaam.

3) SAWAAL: Agar baith kar sajda kiya, toh sajda adaa hoga ya nahi ?

JAWAAB: Adaa ho jayega. Magar masnoon yahi hai ki, khada ho kar sajda mein jaayein aur sajda ke baad phir khada hon.

4) SAWAAL: Sajda E Tilaawat ki shara'it kya hai ?

JAWAAB: Sajda E Tilaawat ke liye tehreema ke alawa woh tamaam shartein hain jo Namaaz ke liye hain. Jaise tahaarat, satr e aurat, istikbaale qibla aur niyyat wagairah.

5) SAWAAL: Sajda E Tilaawat ki niyyat kis tarah ki jaati hai ?

JAWAAB: Niyyat ki main ne Sajda E Tilaawat ki ALLAH TA'ALA ke waaste munh mera taraf Ka'aba Shareef ke ALLAHU AKBAR.

6) SAWAAL: Urdu zubaan mein Aayat e Sajda ka tarjuma padha, toh sajda waajib hoga ya nahi ?

JAWAAB: Urdu zubaan ya kisi aur zubaan mein Aayat e Sajda ka tarjuma padhne aur sunne se bhi sajda waajib hota hai.

7) SAWAAL: Kya Aayat e Sajda padhne ke baad foran sajda karna waajib hota hai ?

JAWAAB: Agar Aayat e Sajda Namaaz ke baahar padhi ho, toh foran sajda kar lena waajib nahi; haan, behtar hai ki foran karlein aur wazu ho toh taakhir (delay) makrooh tanzeehi hai.

8) SAWAAL: Agar Namaaz mein Aayat E Sajda padhi toh kya hukm hai ?

JAWAAB: Agar Namaaz mein Aayet e Sajda padhi, toh foran sajda kar lena waajib hai. Teen (3) aayat se zyaada taakhir karega toh gunahgaar hoga. Aur agar foran Namaaz ka sajda kar liya yaani Aayat e Sajda ke baad teen (3) aayat se zyaada naa padha aur ruku karke sajda kar liya, toh agarche Sajda E Tilaawat ki niyyat naa ho, Sajda adaa ho jayega.

9) SAWAAL: Ek majlees mein sajda ki ek aayat ko kai martaba padha, toh ek sajda waajib hoga ya kai sajda ?

JAWAAB: Ek hi sajda waajib hoga.

10) SAWAAL: Majlees mein aayat padhi ya suni aur sajda kar liya, phir usi majlees mein woh hi aayat padhi ya suni toh dusra sajda waajib hoga ya nahi ?

JAWAAB: Dusra sajda nahi waajib hoga. Woh hi pehla sajda kaafi hai. 

[Anwaar E Shariat, Pg. 92-94]

Continue Reading

How to Pray Tahajjud Ki Namaz - Salat E Tahajjud Ka Waqt

How to Pray Tahajjud Ki Namaz - Salat E Tahajjud Ka Waqt

What is Tahajjud Namaz/Prayers?

Voluntary Prayers offered after the Night (Isha) Prayers are called “Salaat ul-Layl” (The Night-time Prayers). Voluntary Prayers offered during the night are better than those offered during the day. The Tahajjud Prayer is a kind of Salaat ul-Layl. The Tahajjud consists of a minimum of 2 and a maximum of 8 Cycles. When a person sleeps after offering Isha and gets up at any time during the night, it is the time for Tahajjud - and the best time for this is the final third part of the night.

Tahajjud Namaz/Prayers Question Answers

Question1: Tahajjud ki namaj ke bare me batana ke kitne rakat ki hoti hai aur kya padte hai or kaunsa waqt may panda chaiyee (How to Perform Tahajjud Namaz and When to Perform Tahajjud Salat)

Answer:

1. Isha ki Namaaz ke ba'd se lekar Fajr ka waqt shuru hone se pahle tak kisi bhi waqt sokar uthne aur Nafl Namaaz parhne ko Tahajjud kehte hain.
📖 Faraawa Razwiya: 7/446

2. Tahajjud kam se kam 2 Rak'at hai, aur 8 Rak'at tak bhi Hadis se saabit hai.
📗 Bahaar-e Shari'at: Hissa 4, Namaaz-e Tahajjud, Mas-ala 3 & Hadis 3

3. Tahajjud ki Namaaz ka tariqa bhi waisa hi hai jaise aur Namaazo ka, jaise chahein parhein.

4. Jis shakhs ki 5 Namaazo ki qaza baaqi ho to unko ada kiye baghair koi bhi Nafl Namaaz na parhein, balke ziyada se ziyada waqt nikaalakar apni qaza Namaazein puri karein, yahaan tak ke 5 waqt ki Namaazo ke saath jo ghair muakkadah sunnatein aur naflein hain unki jagah par qaza parhein.

📖 Fataawa Razwiya: 10/179 & 180
📗 Bahaar-e Shari'at: 4/55 @ Raddul Mohtaar: 1/646
📖 Fataawa Razwiya: 8/158

🌷 Isha ke Farz parhkar baithe baithe so gaya, to uthkar Tahajjud parh sakta hai, balke agar girne se pahle ankh khul gayi to usi Wuzu se bhi Tahajjud parh sakta hai.


📝 Haafiz, Qaari, Maulana, Mufti Muhammad Shahid Barkaati.

Question2: Kya hum badi raaton mein jaise aksar jagte hai Tahajjud ki Namaz pad sakte hai ya sona jaruri hota hai aur sahi tariqa bhi bataye?

Answer: Tahajjud ho ya koi aur Nafl Namaaz unke liye hain, jo zindagi ki Farz aur Waajib ibaadatein na chhodein, jinki Farz ibaadatein (Rozana 17 Rak'at Farz aur 3 Witr) ek din ke bhi baaqi hon ya ek waqt ki bhi Farz Namaaz baaqi ho unko har mauqe par inki hi qaza parhni chahiye, warna Tahajjud ya Nafl chaahe hazaaro parhe, qabool na honge, aur Farz Namaazo ka bojh sir pe rahega.

Tahajjud keliye sona zaruri hai, kyunke sokar uthne ko hi Tahajjud kehte hain, magar letkar sona zaruri nahi, baithe baithe bhi koi 2 minute so liya to kaafi hai, balke Isha ke Farzo ke ba'd agar koi 2 minute kisi bhi tarah so liya Tahajjud keliye kaafi huwa.

📝 Haafiz, Qaari, Maulana, Mufti Muhammad Shahid Barkaati.

Continue Reading

Supplication For Paying Off Debt - Qarz Ki Dua

Supplication For Paying Off Debt | Karz Ki Dua

Hadrat Sayyiduna Ali (Radi Allahu Anhu) narrated: Should I not teach you the words that the beloved Messenger of Allah (SallAllahu Alayhi wa Sallam) taught me? If you had a debt upon you similar to the mountain of Sir, Allah would fulfill it for you. He (Radi Allahu Anhu) then recited:

اللهم اكفني بحلالك عن حرامك وأغنني بفضلك عمن سواك

Allahummakfini bi Halaalika ‘An Haraamika, wa Aghnini bi fadlika ‘Amman Siwaaka. 

[Jami’ at-Tirmidhi, Vol. 5, Page 329, Hadith 3574]

AlaHadrat Imam Ahmad Rida Khan (Alayhir Rahmah) commented: Recite this Dua 11 times daily after every Salah and 100 times each morning and evening beginning and ending with 11 Darood Sharif, the Barkaah of this Dua will In sha Allah settle your debts. [Al-Malfooz, Vol. 4, Page 439]

Also Read:

Islamic Dua For Daily Life

Beautiful Duas from the Quran

Specials Essential Dua, Supplications, Prayers in Islam for Daily Life

Daily Islamic Duas Every Muslim To Memorize and Recite

Continue Reading

Auqat e Namaz - Forbidden Time for Namaz

Kin Baara Waqto Mein Nafil Padhna Mana Hai. Namaz kab nahi parhi ja sakti hai

12 waqto mein nawafil padhna mana hai.

1) Subah saadeq se suraj nikalne tak koi nafil jayez nahi siwaaye fajar ki 2 rakaat sunnat k.

2) Apne mazhab ki jamaat k liye aqamat huyi to aqamat se khatam jamaat tak nafil o sunnat padhna makrooh e tehreemi hai.

- Albatta agar nama e fajar qaayem ho chuki aur jaanta hai k sunnat padhega jab bhi jamaat mil jaayegi agarche qaaede mein shirkat hogi to hukum hai k jamaat se dur alag fajar ki sunnat padh kar jamaat mein shareek hojaaye aur agar ye jaanta hai k sunnat padhunga to jamaat na milegi aur sunnat k khayaal se jamaat chodi to ye na jayez aur gunaah hai aur fajar k siwa baaqi namazo mein agarche ye jaane ki sunnat padhke jamaat mil jaayegi sunnat padhna jayez nahi jab k jamaat k liye aqaamat huyi.

3) Namaz e asar padhne k baad se aftaab zard hone tak nafil padhna mana hai.

4) Suraj doobne se lekar maghrib ki farz padhne tak nafil jayez nahi.

5) Jis waqt imam apni jaga se jumua k khutbe k liye khada hua us waqt se lekar farz jumua khatam hone tak nafil mana hai.

6) Ayen khutbe k waqt agarche pehla ho ya dusra aur jumua ka ho ya eidaen ka khutba ho ya kasoof o istesqaad e hajj o nikah ka ho, har namaz hata k qaza bhi jayez nahi magar sahib tarteeb k liye jumua k khutbe k waqt qaza ki ijazat hai.

MASALA:
🍂 Jumua ki sunnate shuru kardi thi k imam khutbe k liye apni jaga se utha to chaaro rakaate pura karle.

7) Eidaen ki namaz k pehle nafil makrooh hai chahe ghar mein padhe ya eidgaah mein ya masjid mein.

8) Eidaen ki namaz k baad nafil makrooh hai jab k eidgaah ya masjid mein padhe ghar per padhna makrooh nahi.

9) Arfaat mein jo ZOHAR o ASAR milakar padhte hain unke beech me aur baad me bhi nafil o sunnat makrooh hai.

10) Muzdalfa mein jo maghrib o isha jama kiye jaate hain, faqat unke beech mein nafil o sunnat padhna makrooh hai, baad mein makrooh nahi.

11) Farz ka waqt tang ho to har namaz yahaan tak k sunnat fajar o Zohar makrooh hai.

12) Jis baat se dil bate aur usko dur kar sakta ho to usey bila dur kiya har namaz makrooh hai jaese peshaab ya pakhana ya riyaah ka ghalba ho to aesi haalat mein namaz makrooh hai, albatta agar waqt jaata ho to padhle aur aesi namaz phir dohraaye.

* Yunhi khaana saamne aagaya aur uski khwahish ho ya aur koi aesi baat ho jisse dil ko itmenaan na ho aur khushu mein faraq aaye to aesi surat mein namaz padhna makrooh hai.

MASALA:

+ Fajar aur Zohar k pure waqt awwal se aakhir tak bila karahat hain yaani ye namaze apne waqt k jis hisse mein padhi jaaye bilkul makrooh nahi.

📚 REFERENCE:
📔 QANOON E SHARIAT

Continue Reading