.jpg "Charity in Islam: A Deep Dive into Waajib and Nafl Sadqa")
Charity in Islam: A Deep Dive into Waajib and Nafl Sadqa
.jpg)
Question: Kya hum sadqa masjid mein de sakte hain? Can we give charity in the mosque?
Answer by Mufti Muhammad Shahid Barkati
1. Waajib Sadqa:Yani jiska ada karna Shari'at ke hukm se zaruri hai, na dene wala gunahgar hota hai. Jaise:
- Zakaat
- Ushr
- Fitra
- Fidya
- Kaffara
Inme se kisi ko bhi Sadqa nahi de sakte
- Kisi sahib-e nisab ko
- Sahib-e nisab ke nabalaigh bachcho ko
- Hashmi ko
- Non-Muslim ko
- Apni aulad ya aulad ki aulad ko
- Apne maa-baap ko, maa-baap ke maa-baap ko
- Apne miya biwi ko
- Aur Masjid me nahi de sakte.
2. Nafl Sadqa: Inke alawa jo kuchh banda apni marzi se kharch karta hai wo sab Nafl sadqa hai. Har kisi ko de sakte hain, Masjid me bhi de sakte hain. Balke kisi dunyawi lalach, badle aur qarz ke baghair sirf sawab ki niyat se jo kuchh kharch kiya jaye sab sadqa hai. Yaha tak ke zaban se bhi agar kisi ka bhala kiya jaye wo nafl sadqa hai.
Waajib Sadqa Kisko De Sakte hai?
Waajib Sadqa ko aap inhe de sakte hain:
Sahib-e Nisab Se Kam Aamdani Wale Musalman: Jo log Zakat ya Fitra dene ke liye khud sahib-e nisab nahi hain, unhe Waajib Sadqa diya ja sakta hai.
Ghareeb aur Zaruratmand Musalman: Jo log apni zarurat puri karne mein asamarth hain ya jo musibat mein hain, unhe Waajib Sadqa diya ja sakta hai.
Muallafatul Quloob: Wo log jo Islam me naye hain ya jinhe Islam ki taraf raghib karne ki zarurat hai.
Ghulam ya Qaidi: Jo log ghulam hain ya qaidi hain aur unki azadi ya rehaai ke liye Waajib Sadqa diya ja sakta hai.
Qarzdar: Jo log qarz me doobe huye hain aur apna qarz ada karne mein asamarth hain.
Fisabilillah: Allah ki raah mein jihad karne wale ya deeni maqsad ke liye kaam karne wale.
Ibnus Sabil: Musafir jo apne safar me zaruratmand ho gaye hain.
Ye dhyan rakhein ki Waajib Sadqa ko aap apne khaas rishtedaaron jaise maa-baap, bachon, ya biwi ko nahi de sakte hain aur na hi Hashmi (Nabi Muhammad SAW ki aulad) ko de sakte hain.
.jpg)
